سهنــــدو ڪيـــر ميـــار، او يـار!
سنڌڙيءَ کي سر ڪير نه ڏيندو!
جهول جهلي جنهن وقت ڀٽائيءَ،
ڪرندا ڪنـــڌ هـــزار، او يـــــار،
سنڌڙيءَ کي سر ڪير نه ڏيندو!
نيــــٺ وڍينـــدڙ وڍجــــي وينــــدا،
ڪٽبــــي نيــــٺ ڪٽـار، او يار!
سنڌڙيءَ کي سر ڪير نه ڏيندو!
نيٺ ته ڊهندي، ڪيسين رهندي،
دوکـــــي جــــــي ديـــــوار، او يــــــار!
سنڌڙيءَ کي ســـر ڪير نه ڏيندو!
گهڙا کڻي گهڙنديون، سَوَ سهڻيون،
مرنــــــدا سَـــــوَ ميهـــــار، او يــــــار!
سنڌڙيءَ کـــي سر ڪير نه ڏيندو!
سر جي سين هڻـــي ڏس چـــارڻ،
ٻيـــجــــل ٿـــــي ٻيهــــار، او يــــار!
سنڌڙيءَ کي سر ڪير نه ڏيندو!
0 comments :
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔